Best Online Casinos

1. Sol Casino

Free Sign-Up Bonus: 150 Free Spins ( Free Sign-Up Bonus Link )

First Deposit Bonus: 100% up to €/$ 300 ( Registration Link )

ENTER SOL CASINO

2. Fresh Casino

Free Sign-Up Bonus: 100 Free Spins ( Free Sign-Up Bonus Link )

First Deposit Bonus: 150% up to €/$ 500 ( Registration Link )

OPEN FRESH CASINO

3. Jet Casino

Free Sign-Up Bonus: 40 Free Spins ( Free Sign-Up Bonus Link )

First Deposit Bonus: 200% up to €/$ 300 ( Registration Link )

ENTER JET CASINO

Plattdüütsche Narichten vun’n 6. Februar 2023

Plattdeutsche Nachrichten Plattdüütsche Narichten vun’n 6. Februar 2023

Standdatum: 6. Februar 2023.

Gräsig Eerdbeven in de Törkei un in Syrien +++ Bunnsbinnenministersch maakt Flüchtlings-Top-Drepen künnig +++ Wedder Warnstreik bi de Post +++ Bahnlinienutboe na Groningen fangt an +++ Mann in Bremen dör Schööt to Schaden kamen +++ Dat Weer

Bild: Radio Bremen

Informationen zum Audio

• Verfügbar bis: 6. Februar 2024
  Informationen zur Verweildauer

Gräsig Eerdbeven in de Törkei un in Syrien

Istanbul: Achteran en gräsig Eerdbeven an de Grenz twüschen de Törkei un Syrien, kladdert de Tahl vun Minschen de dorbi doot bleven sünd wieder. Betnu snackt man vun rund 700 Doden. En ganze Reeg Hüüs sünd dorbi tohoopfullen. De törksch Binnenminister see, dat gellt för een Handvull Provinzen. De Törkei hett middelwiel üm internatschonaale Hölp beden. Dat Bevern harr woll en Kraft vun 7,8 un 7,9. Butendem geev dat en Reeg Nabeven.

Bunnsbinnenministersch maakt Flüchtlings-Top-Drepen künnig

Berlin: Vunwegen dat Maleschen gifft, Minschen op de Flucht en Dack övern Kopp to geven, hett Binnenministersch Faeser en Top-Drepen mit Verdredern vun Gemeenden un Lännern künnig maakt. To dat ZDF see Faeser, de Inlaaden warrn al in düsse Week op den Weg brocht. Man mutt allens doon, üm de Gemenden Stütt to geven un to hölpen.

Wedder Warnstreik bi de Post

Bonn: Vunwegen den Tarifstriet bi de Post hett de Gewarkschop ver.di wedder dorto oproben en Warnstreik to maken. Man ok för Bremen un Neddersassen gellt düsse Streik, see de Spreker vun ver.di. De Verdeelzentren schüllt lahmleggt warrn, man ok de Postbüdels schüllt de Arbeit rohen laten. In de een or annere Stadt is plaant, dat Mitarbeiders op de Straat gaht. Ver.di verlangt fofteihn Perzent mehr Geld för de rund 160.000 Mitarbeiders, de Post is dor nich mit inverstahn un see dat is nich hentokriegen.

Bahnlinienutboe na Groningen fangt an

Bremen: Vun hüüt af an starten de Arbeiten för den Utboe vun de Bahnlinie twuschen Bremen un Groningen. Na Angaav vun de Düütschen Bahn warrt eerstmal an den Bahnhoff Ihrhove in den Landkreis Leer, Bööm un Strüük afsniedt. So schall en Flach för dat Inrichten vun en Boesteed schafft warrn. In Momang duert en Fohrt vun Bremen na Groningen rund 3,5 Stünnen, wenn de Bahnlinie fardig is, schall dat blots noch goot twee Stünnen lang duern.

Mann in Bremen dör Schööt to Schaden kamen

Bremen: In de Bremer Neestadt is en Mann dör Schööt an Lief to Schaden kamen, de Minsch de dat doon hett, is wiederhen op de Flucht. De Polizei maakt künnig, dat se weten wer dat is un söcht na em. En Koppel Mannslüüd stund de Minsch, de dat woll doon hett, op de Fööt, de hett denn en scharpe Pistool haalt un en Reeg Schööt afgeven. He dreep en 22-Johrigen in den Kopp. Üm Leven un Dood gung dat nich. Woso de Minschen Striet harrn, is noch nich kloor.

Dat Weer

Un nu kiekt wi op dat Weer: In Bremen hebbt wi een Graad, in Bremerhaben un Emm veer Graad un in Cuxhaben sünd dat opstunns fief Graad. Hüüt fangt de Dag mit dicken Wulken un hoogen Daak an, man dat blifft tominns dröög. Övern Dag rieten de Wulken jümmer mehr ut´nanner un de Sünn wiest sik fakener mal. Hier un dor kann dat aver ok den ganzen Dag gries blieven, meist in Gegenden in´t Binnenland. De Wind weiht flau, an´n Namiddag ok mal in Maaten dorbi dreiht he vun de noorden op de oosten Kant, an de Küst weiht he an Avend vun de süüdoosten Kant. Dat Thermometer wiest us dorbi veer bet söven Graad. In de Nacht wedder hoogen Daak, man in de Hauptsaak vun de Middelwerser bet to de Lünborger Heid blifft dat ok mal wat länger kloor or mag ween dat dor blots spiddelige Wulken an Heven sünd, Regen gifft dat nich un dat denn bi minus een bet minus fief Graad. Dingsdag lööst sik an Vörmiddag de hooge Daak op, achteran lacht de Sünn. In Richten Ostfreesland sünd ok mal en poor mehr Wulken ünnerwegens, man ok dor kummt de Sünn över Middag rut. Dat blifft dröög bi dree bet fief Graad.

Dat weren de Plattdüütschen Narichten. Tohoopstellt vun Katrin Martens. Op Platt trechtmaakt un vörleest vun Martina Brünjes.